January 8, 2022 - subeditor1@thenewjournal.net

വിദേശത്ത് നിന്ന് കേരളത്തിലെത്തുന്നവര്‍ക്ക് ഹോം ക്വാറന്റൈന്‍ ഇന്ന് മുതല്‍. ഏഴ് ദിവസം നിര്‍ബന്ധിത ഹോം ക്വാറന്റൈന്‍. എട്ടാം ദിവസം ആര്‍.ടി.പി.സി.ആര്‍ പരിശോധനയും നടത്തും. ലോ റിസ്‌ക് രാജ്യങ്ങളില്‍ നിന്ന് കേരളത്തിലെത്തുവര്‍ക്ക് കൂടുതലായി ഒമിക്രോണ്‍ സ്ഥിരീകരിച്ച പശ്ചാത്തലത്തിലാണ് നിബന്ധനകര്‍ശനമാക്കാന്‍ തീരുമാനിച്ചത്.

സംസ്ഥാനത്ത് ആകെ ഇതുവരെ റിപ്പോര്‍ട്ട് ചെയ്ത ഒമിക്രോണ്‍ കേസുകളില്‍ 70 ശതമാനത്തലധികം ലോ റിസ്‌ക് രാജ്യങ്ങളില്‍ നിന്നും വന്നവര്‍ക്കാണ്.ലോ റിസ്‌ക് രാജ്യങ്ങളില്‍ നിന്ന് സംസ്ഥാനത്ത് എത്തുന്ന കൂടുതല്‍ പേരുടെ റാണ്ടം പരിശോധന നടത്തും. ഇതില്‍ നെഗറ്റീവാകുന്നവര്‍ 7 ദിവസം ഹോം ക്വാറന്റൈനില്‍ കഴിയണമെന്നാണ് നിര്‍ദേശം.

എട്ടാം ദിവസം ആര്‍.ടി.പി.സി.ആര്‍ പരിശോധന നടത്തും. കേന്ദ്രസര്‍ക്കാരിന്റെ മാര്‍ഗനിര്‍ദേശം അനുസരിച്ചാണ് നടപടി. എട്ടാം ദിവസം വീണ്ടും നെഗറ്റീവായാല്‍ ഇവരും വീണ്ടും 7 ദിവസം സ്വയം നിരീക്ഷണത്തില്‍ കഴിയണം. ഇന്നലെ 25 പേര്‍ക്ക് കൂടി ഒമിക്രോണ്‍ സ്ഥിരീകരിച്ചതോടെ ആകെ കേസുകള്‍ 305 ആയി.

രോഗം സ്ഥിരീകരിച്ചവരില്‍ 23 പേരും ലോ റിസ്‌ക് രാജ്യങ്ങളില്‍ നിന്നും വന്നവരാണ്. 24 മണിക്കൂറിനിടെ സംസ്ഥാനത്ത് 5,296 പേര്‍ക്കാണ് കോവിഡ് സ്ഥിരീകരിച്ചത്. ടെസ്റ്റ് പോസിറ്റിവിറ്റി 8.2 ശതമാനമായി ഉയര്‍ന്നു. തിരുവനന്തപുരത്തും എറണാകുളത്തും ആയിരത്തിന് മുകളിലാണ്.

Previous articleഒമിക്രോണ്‍ ഭീഷണി: പുതുവത്സരത്തില്‍ കുവൈറ്റിലുള്ളവര്‍ കൂടുതല്‍ തെരഞ്ഞെടുത്തത് ഇന്ത്യ
Next articleലൈംഗികാതിക്രമ കേസുകളില്‍ സൗദിയില്‍ ഇനി പ്രതികളുടെ വിവരം പുറത്തുവിടും ; ചിത്രം സഹിതം മാധ്യമങ്ങളിലും വരും

LEAVE A REPLY

Please enter your comment!
Please enter your name here