Rejimon Kuttappan is an independent journalist currently based in India with more than a decade-long experience in reporting migrant stories in the Arab Gulf. He writes for us and also for Reuters, The Caravan, The Hindu, Times of India, Equal Times and many other publications. He has done 2 fellowships with ILO, one with Reuters and one with NFI. He was also a resource person for ILO and Reuters. He is currently a consultant for ILO's India-EU Mobility project. He has authored an anthology titled Rowing Between Rooftops published by Speaking Tiger in English. The same was published by Manorama Books in Malayalam under the title Salute. His upcoming book on undocumented migrants will be published by Penguin in 2021 fall.
September 18, 2021 - reji@thenewjournal.net

ഇന്ത്യയില്‍ തൊഴിലുമായി ബന്ധപ്പെട്ട് സമ്മര്‍ദ്ദങ്ങളെ തുടര്‍ന്ന് ഒന്നര ദശകത്തിനിടയില്‍ 1,15,792 പേര്‍ മരണമടഞ്ഞതായി റിപ്പോര്‍ട്ട്.

ലോകാരോഗ്യ സംഘടനയുടേയും അന്താരാഷ്ട്ര തൊഴില്‍ സംഘടനയുടേയും 2000 – 2016 കാലത്തെ സംയുക്ത പഠനറിപ്പോര്‍ട്ടിലാണ് ഇക്കാര്യം വ്യക്തമാക്കുന്നത്.

തൊഴിലിടത്തെ സമ്മര്‍ദ്ദം മൂലവും അതുണ്ടാക്കുന്ന വിവിധ ആരോഗ്യപ്രശ്‌നങ്ങളെയും തുടര്‍ന്ന് ലോക വ്യാപകമായി 1.9 ദശലക്ഷം പേര്‍ മരണപ്പെടുന്നതായിട്ടാണ് ലോകാരോഗ്യ സംഘടനയുടെ റിപ്പോര്‍ട്ട് സൂചിപ്പിക്കുന്നത്.

ഇന്ത്യയില്‍ ഈ രീതിയിലുള്ള മരണങ്ങള്‍ പെരുകി വരുന്നതായും റിപ്പോര്‍ട്ട് ചൂണ്ടിക്കാട്ടുന്നുണ്ട്.

2000 ല്‍ 3,45,418 പേരും 2010 ല്‍ 3,70,599 പേരും 2016 വരെ 4,16,910 പേരും മരണമടഞ്ഞതായിട്ടാണ് കണക്കുകള്‍.

15 വയസ്സിന് മുകളിലുള്ള തൊഴില്‍പ്രായത്തില്‍ ഒരു ലക്ഷം പേര്‍ക്ക് 50.1 എന്നായിരുന്നു 2000 ലെ മരണനിരക്ക്. 2010 ല്‍ എത്തിയപ്പോള്‍ അത് 43.4 എന്നതിലേക്കും 2016 ആകുമ്പോഴേയ്ക്ക് 43.7 ലേക്കും മാറി. എല്ലാ പ്രായക്കാരിലുമുള്ള കണക്കെടുപ്പില്‍ ഇന്ത്യയില്‍ തൊഴില്‍ പ്രശ്‌നത്തില്‍ 2000 ല്‍ മരണം ഒരു ലക്ഷത്തിന് 32.7 ആയിരുന്നു. 2010 ലേക്ക് അത് 30.0 വും 2016 ല്‍ അത് 31.5 മായി മാറുകയും ചെയ്തു.

ആഗോളമായി 2016 ല്‍ 1.88 ദശലക്ഷം മരണവും 89.72 ദശലക്ഷം ആജീവനാന്ത അംഗവൈകല്യവും സംഭവിച്ചതായിട്ടാണ് കണക്കാക്കുന്നത്. തൊഴില്‍ മൂലം 80.7 ശതമാനം പേര്‍ രോഗികളും ഇതിലൂടെ മാത്രം 70.5 ശതമാനം (63.28 ദശലക്ഷം പേര്‍) മരണമടയുകയും ചെയ്തിട്ടുണ്ട്.

തൊഴിലെടുത്ത് സ്ഥിരമായി അംഗ വൈകല്യം സംഭവിച്ചതിലൂടെ 19.3 ശതമാനം പേരും മരണപ്പെട്ടിട്ടുണ്ട്. ഈ കണക്ക് മാത്രം 0.36 ദശലക്ഷത്തോളം വരും.

തൊഴിലുമായി ബന്ധപ്പെട്ട ഏറ്റവും കൂടുതല്‍ മരണങ്ങള്‍ ആഫ്രിക്കന്‍ മേഖലയിലും ദക്ഷിണേഷ്യയിലും പടിഞ്ഞാറന്‍ പസഫിക് മേഖലകളിലുമാണ് ലോകാരോഗ്യ സംഘടന കണ്ടെത്തിയിരിക്കുന്നത്.

15 വര്‍ഷത്തെ മരണനിരക്കില്‍ ആറ് മേഖലകളില്‍ ഏറ്റവും മുന്നില്‍ നില്‍ക്കുന്നതും ഇന്ത്യ ഉള്‍പ്പെടുന്ന ദക്ഷിണേഷ്യന്‍ മേഖലയാണ്. പടിഞ്ഞാറന്‍ പസഫിക് മേഖല രണ്ടാമതും യൂറോപ്പ് മൂന്നാമതും നില്‍ക്കുന്നു. അമേരിക്കയാണ് ഏറ്റവും പുറകില്‍. തൊഴിലിന്റെ ദീര്‍ഘ സമയവുമായി ബന്ധപ്പെട്ട മരണങ്ങള്‍ ദക്ഷിണേഷ്യയില്‍ 158, 993 ആണ്. തൊട്ടു പിന്നില്‍ 143,113 പടിഞ്ഞാറന്‍ പസഫിക് മേഖലയും അമേരിക്കയില്‍ 18,254 മരണങ്ങളും റിപ്പോര്‍ട്ട് ചെയ്തു.

ദീര്‍ഘമായ തൊഴില്‍ സമയമാണ് തൊഴിലുമായി ബന്ധപ്പെട്ട മരണങ്ങളുടെ പ്രധാന കാരണമായി ചൂണ്ടിക്കാണിക്കുന്നത്. ആഴ്ചയില്‍ 55 മണിക്കൂറിന് മുകളില്‍ ജോലി ചെയ്യുന്നത് 744,924 മരണത്തിന് കാരണമായി. ഗ്യാസും തീയും ഉള്‍പ്പെടെയുള്ള തൊഴിലുമായി ബന്ധപ്പെട്ട വസ്തുക്കളില്‍ നിന്നുള്ള പരിക്കുകള്‍ 363283 മരണങ്ങള്‍ക്ക് കാരണമായിട്ടുണ്ട്. സുദീര്‍ഘമായ തൊഴില്‍ മൂലം ഉണ്ടായ ആരോഗ്യപ്രശ്‌നങ്ങള്‍, രോഗങ്ങള്‍ എന്നിവ മൂലം 450,381 മരണങ്ങള്‍ ഉണ്ടായി. തൊഴിലില്‍ നിന്നും കിട്ടിയ പക്ഷാഘാതവം ഹൃദയപ്രശ്‌നങ്ങളും പോലെയുള്ള പ്രശ്‌നങ്ങളുടെ തുടര്‍ച്ചയായി 308,306 മരണങ്ങളും ഉണ്ടായിട്ടുണ്ട്.

തൊഴിലുമായി ബന്ധപ്പെട്ട കാര്യങ്ങള്‍ ഉണ്ടാക്കുന്ന കാര്യങ്ങള്‍ പിന്നീടും പല തരത്തിലുള്ള സ്‌ട്രോക്കും ഹൃദയാസുഖങ്ങളും ഉള്‍പ്പെടെ മരണത്തിലേക്ക് നയിക്കുന്ന മറ്റു കാര്യങ്ങളായി മാറുകയും ചെയ്യുന്നുണ്ടെന്നും കണക്കാക്കുന്നു.

2000 മുതല്‍ 2016 വരെ തൊഴിലുമായി ബന്ധപ്പെട്ട 177914 മരണങ്ങളാണ് കൂടിയത്. നീണ്ട തൊഴില്‍ സമയവുമായി ബന്ധപ്പെട്ട കേസില്‍ 165 356 കേസുകളാണ് കൂടിയത്. തൊഴില്‍പ്രായത്തില്‍ പെട്ടവരിലെ മരണനിരക്കില്‍ സ്ത്രീകളേക്കാള്‍ അപകടസാധ്യത പുരുഷന്മാര്‍ക്കാണ്. ഒരു ലക്ഷത്തിന് 51.4 ആണ് മരണനിരക്ക്. 34.3 ശതമാനമാണ്. സ്ത്രീകളില്‍ ഇത് 17.2 ആണ. പുരുഷന്മാരില്‍ ഇത് ഒന്നര മടങ്ങ് കൂടുതലാണ്.

ലോകാരോഗ്യ സംഘടനയുടെ 2030 ലെ സുസ്ഥിര വികസന ലക്ഷ്യം വെയ്ക്കുന്നത് സാമ്പത്തീകമോ സാമൂഹ്യമായ പദവിയോ കണക്കാക്കാതെ എല്ലാ മനുഷ്യര്‍ക്കും ആരോഗ്യജീവിതവും ക്ഷേമവും മാന്യമായ ജോലിയും എന്നതിനെയാണ്. ഇതിന്റെ ഭാഗമായിട്ടാണ് ലോകാരോഗ്യസംഘടനയും അന്താരാഷ്ട്ര തൊഴില്‍ സംഘടനയും ചേര്‍ന്ന് ജോലിയുമായി ബന്ധപ്പെട്ട തൊഴില്‍ഭാരത്തെക്കുറിച്ചും പരിക്കുകളുടേയും കണക്കെടുത്തത്.

ആരോഗ്യ-തൊഴില്‍ മന്ത്രിമാര്‍ അടക്കം 11 രാജ്യങ്ങളില്‍ നിന്നുള്ള സര്‍ക്കാര്‍ വകുപ്പുകളിലെ വിദഗ്ദ്ധര്‍, ലോകാരോഗ്യ സംഘടനകളുടെ ആഫ്രിക്ക, അമേരിക്ക, ദക്ഷിണേഷ്യ, യൂറോപ്പ്, കിഴക്കന്‍ മെഡിറ്ററേനിയന്‍, പടിഞ്ഞാറന്‍ പസഫിക് എന്നീ മേഖലകളിലെ 35 രാജ്യങ്ങളിലെ ഈ രംഗത്തെ വിദഗ്ദ്ധര്‍, ഇതേ മേഖലയിലെ തന്നെ അന്താരാഷ്ട്ര തൊഴിലാളി സംഘടനകളിലെ വിദഗ്ദധര്‍ എന്നവരുടെയെല്ലാം പിന്തുണയോടെ പല റിപ്പോര്‍ട്ടുകളും പരിശോധിച്ചും താരതമ്യം നടത്തിയും വിദഗ്ദ്ധര്‍ വിലയിരുത്തിയുമാണ് പഠനം ഉണ്ടാക്കിയത്.

2016 ലെ കണക്കുകള്‍ പ്രകാരം ജോലിയുമായി ബന്ധപ്പെട്ട മരണങ്ങളുടെ കാര്യത്തില്‍ ഏറ്റവും പ്രധാന കാര്യം ജോലിസമയത്തിലെ നീണ്ട തൊഴില്‍ സമയമാണ്.

ഇതുമായി ബന്ധപ്പെട്ട് മാത്രം ആഗോളമായി 744924 മരണങ്ങളാണ് ഉണ്ടായത്. അതായത് 39.6 ശതമാനം. ഗ്യാസ്, തീ എന്നിവ മൂലമുള്ളതാണ് രണ്ടാമത്തേത്. 450351 മരണങ്ങള്‍ ഇത് 24 ശതമാനം വരും. ജോലിക്കിടയില്‍ പരിക്ക് പറ്റിയുള്ള മരണം 363,283 ആണ്. 19 ശതമാനം.

ആരോഗ്യപ്രശ്‌നങ്ങളില്‍ ഏറ്റവും കൂടുതല്‍ മരണം ശ്വാസകോശവുമായി ബന്ധപ്പെട്ട് അസുഖങ്ങളെ തുടര്‍ന്നായിരുന്നു. 450 381 മരണങ്ങള്‍. ഇത് 24 ശതമാനത്തോളം വരും. 398,306 മരണങ്ങളുമായി സ്‌ട്രോക്കും 346,618 കേസുകളുമായി ഹൃദയരോഗങ്ങളും രണ്ടാമതും മൂന്നാമതുമുണ്ട്.

ലോകാരോഗ്യ സംഘടനയും അന്താരാഷ്ട്ര തൊഴില്‍ സംഘടനയും ചേര്‍ന്ന് തയ്യാറാക്കിയ 2000 – 2016 കാലയളവിലെ കണക്കുകളിലാണ് ഈ വിവരമുള്ളത്. അമേരിക്കന്‍ സെന്റര്‍ഫോര്‍ ഡിസീസ് കണ്‍ട്രോള്‍ ആന്റ് പ്രിവന്‍ഷന്‍, നാഷണല്‍ ഇന്‍സ്റ്റിറ്റ്യൂട്ട് ഫോര്‍ ഒക്കുപ്പേഷന്‍ സേഫ്റ്റി ആന്റ് ഹെല്‍ത്ത് എന്നിവരാണ് പഠനത്തിനായി പണം മുടക്കിയത്. ഫ്രാങ്ക് പെഗയും നതാലി മോമനുമായിരുന്നു പഠനത്തിന് നേതൃത്വം നല്‍കിയത്.

ആരോഗ്യം മോശമാക്കാനിടയുള്ള ജോലിയുമായി ബന്ധപ്പെട്ട 41 അപകട സാധ്യതകള്‍ തെരഞ്ഞെടുത്തായിരുന്നു പഠനം. അതിന്റെ രാജ്യങ്ങള്‍, മേഖലകള്‍, ആഗോള തലം, ലിംഗം, പ്രായ ഗ്രൂപ്പ് എന്നിവയെല്ലാം ഉള്‍പ്പെടുന്ന വിവര ശേഖരണം നടത്തിയായിരുന്നു പഠനം.

154 രാജ്യങ്ങളിലും അനുബന്ധമേഖലകളിലും 2,324 സര്‍വേകളും 46 രാജ്യങ്ങളിലെ ലേബര്‍ ഫോഴ്‌സ് സര്‍വേകളുടെ 1742 ഡേറ്റാമേറുകളും പഠനത്തിനായി ഉപയോഗപ്പെടുത്തിയിരുന്നു. തീരുമാനവും നയങ്ങളും രൂപപ്പെടുത്തുന്നവര്‍ക്കും തൊഴിലിനപ്പുറത്ത് തൊഴിലിടങ്ങളില്‍ ജീവനക്കാരുടെ ആരോഗ്യവും സുരക്ഷയും ഉറപ്പാക്കി ഉപഭോക്തൃ സൗഹൃദാന്തരീക്ഷം സൃഷ്ടിക്കുക ലക്ഷ്യമിട്ടാണ് പഠനം നടത്തിയിരിക്കുന്നത്.

Previous articleEXPLAINER: ജി എസ് ടി യുടെ പരിധിയിൽ കൊണ്ടുവന്നാൽ എത്ര രൂപയ്ക്ക് പെട്രോളും ഡീസലും കേരളത്തിൽ കിട്ടും?
Next articleഗുജറാത്ത് സിംഹങ്ങളെ തടുത്തു നിര്‍ത്തിയ ബംഗാള്‍ കടുവ; മമതയെ ടൈമിന്റെ സ്വാധീനിക്കപ്പെട്ട 100 പേരില്‍ ഒരാളാക്കുന്നത് ഇതൊക്കെ തന്നെ

LEAVE A REPLY

Please enter your comment!
Please enter your name here